Yfirdráttur er dýrt lán og því ætti alltaf að hugsa hann sem tímabundið lán til að mæta óvæntum útgjöldum.

Við hönnuðum yfirdráttinn okkar með það sérstaklega í huga að það ætti að vera hvetjandi að losna við yfirdráttinn sem fyrst. Þú getur bæði gert plan til að lækka hann niður til að halda í sveigjanleikann - eða tekið indó lán á betri vöxtum til að borga hann niður.

Þegar þú sækir um yfirdrátt hefurðu tæknilega séð ekki fengið peninginn lánaðan. Þú ert að fá leyfi - eða yfirdráttarheimild - frá okkur til að taka lán. Þegar þú hefur svo klárað peninginn á debetreikningnum byrjar þú að nota yfirdráttinn. Þá ertu að fá lánað - og borgar vexti af þeirri upphæð.

Það er enginn aukakostnaður við að taka yfirdráttinn: engin lántökugjöld, breytingagjöld né önnur gjöld.

Yfirdráttur er dýr vegna vaxtanna. Við rukkum þig vexti í lok hvers mánaðar - af þeirri upphæð sem þú notar af yfirdrættinum. Ef þú notar yfirdráttarheimildina ekkert, borgar þú ekkert.